Images

پی پی پی چیئرمین بلاول بھٹو زرداری کا مرحومہ فوزیہ وہاب اور شہید منور سہروردی کو ان کی برسی کے موقع پر خراج عقیدت

Df5aI3FWkAA-CjW

Advertisements

بلوچستان کا آئندہ وزیراعلیٰ جیالا ہوگا‘ بلاول بھٹو

پیپلز پارٹی کے چیئرمین بلاول بھٹو زرداری نے کہا ہے کہ بلوچستان میں جس کسی کی بھی حکومت ہو، وہ تختِ رائیونڈ کے بجائے عوام سے وفادار ہونی چاہیئے، آئندہ عام انتخابات میں عوام ایک جیالے کو بلوچستان کا وزیراعلیٰ منتخب کریں گے، ان خیالات کا اظہار انہوں نے پی پی پی بلوچستان کے رہنماؤں سے بلاول ہاؤس کراچی میں ملاقات کے دوران گفتگو کرتے ہوئے کیا۔ ملاقات کرنے والے رہنماؤں میں پی پی پی بلوچستان کے صدر علی مدد جتک، جنرل سیکریٹری اقبال شاہ، اطلاعات سیکریٹری سربلند خان جوگیزئی، سینیٹ کے سابق ڈپٹی چیئرمین صابر بلوچ، اعجاز بلوچ، ربانی خلجی اور حفیظ الملک مینگل شامل تھے۔ پیپلز یوتھ آرگنائزیشن بلوچستان کے صدر ثناء اللہ جتک، عین الدین کاکڑ اور سفر خان زہری نے بھی بلاول بھٹو سے ملاقات کی۔ بلاول بھٹو زرداری نے کہا کہ نواز لیگ نے بلوچستان کی عوام اور وہاں کی سیاست کو شدید نقصان پہنچایا ہے، شریف برادران ہر جگہ ناکام ہو چکے ہیں۔ انہوں نے کہا کہ نواز لیگ نے بلوچستان اور وہاں کی عوام کو نظر انداز کرکے اُن کی احساسِ محرومی میں اضافہ کیا۔ چیئرمین پیپلز پارٹی نے مزید کہا کہ 2018ء کے عام انتخابات میں بلوچستان کی عوام ایک جیالے کو اپنا وزیراعلیٰ منتخب کرے گی، جو عوام کے تمام حقوق بحال کریگا اور لوگوں کی اُمنگوں کے مطابق ترقیاتی عمل کا آغاز کریگا۔