عائشہ گالئی نے میری بات کی تصدیق کردی، خدا را خواتین کا احترام کریں، ناز بلوچ

میرے پارٹی چھوڑنے کے بعد کہا گیا ’’اچھا ہوا چلی گئی کسی کام کی نہیں تھی‘‘،توقع نہیں تھی عمران خان مجھ جیسی متحرک کارکن کیلئے ایسی بات کہیں گے، نجی ٹی وی سے گفتگو
پیپلز پارٹی کی رہنما ناز بلوچ نے کہا ہے کہ عائشہ گلالئی نے میری بات کی تصدیق کی ہے۔ خدا را اپنی خواتین کا احترام کریں، نجی ٹی وی سے بات چیت کرتے ہوئے میرے پارٹی چھوڑنے کے بعد کہا گیا کہ ’’اچھا ہوا چلی گئی کسی کام کی نہیں تھی‘‘ انہوں نے کہا کہ توقع نہیں تھی کہ عمران خان مجھ جیسی متحرک کارکن کیلئے ایسی بات کہیں گے۔ انہوں نے کہا کہ ا ب عائشہ گلالئی نے میری بات کی تصدیق کردی ہے۔ خدا را اپنی خواتین کا احترام کریں۔
قبل ازیں نجی ٹی وی سے گفتگو کرتے ہوئے اور پریس کانفرنس کرتے ہوئے عائشہ گلا لئی نے کہا کہ میں پارٹی چھوڑ رہی ہوں ٗپی ٹی آئی میں خواتین کی عزت نہیں کی جاتی، عمران خان کی وجہ سے ماؤں بہنوں کی عزتیں محفوظ نہیں ہیں ٗ ہم پختون گھرانے سے تعلق رکھتے ہیں ٗ عزت اور غیرت بہت چیز ہوتی ہے ٗکافی عرصے سے چیزوں کو برداشت کر رہی تھی۔ پارٹی میں خواتین اور ورکرز کی عزت نہیں ٗ ورکرز کو کہا جاتا ہے یہ کسی کام کے نہیں ٗورکرخواتین کی عزت اور کرپشن پر احتجاج کرتے رہے ہیں ٗعمران خان خود بنی گالہ بیٹھے ہوتے ہیں اور ورکرز لاٹھیاں کھاتے ہیں ٗانہوں نے کہا کہ ورکرز کی وجہ سے پارٹی آج یہاں تک پہنچی ہے، اسمبلی کی نشست نہیں چھوڑوں گی ٗوہ عوام کی امانت ہے، پی ٹی آئی کے وکررز میرے ساتھ ہیں۔ انہوں نے کہاکہ جیسی پارٹی وہ دنیا کو دکھاتے ہیں پی ٹی آئی ویسی نہیں ہے ۔انہوں نے الزام لگایا کہ پارٹی چیئرمین کی حرکتیں ٹھیک نہیں ہیں یہ انگلینڈ نہیں پاکستان ہے،انہوں نے کہا کہ پی ٹی آئی میں اخلاقی قدریں گر چکی ہیں کسی خاتون کی عزت محفوظ نہیں، پاکستان میں مغربی کلچر متعارف کرانے کی کوششیں کی جارہی ہیں،انہوں نے کہا کہ پی ٹی آئی کے اس نامناسب رویئے کی وجہ سے انہوں نے بنی گالا میں پارٹی کے اجلاس میں شرکت بھی نہیں کی۔عائشہ گلالئی نے کہا کہ انہوں نے پارٹی کی اعلیٰ قیادت کو اپنے تحفظات کو آگاہ کیا تھا لیکن اس پر مثبت انداز میں کوئی عملدرآمد نہیں کیا گیا جس کے باعث میں نے بہت مجبور ہو کر پارٹی چھوڑنے کافیصلہ کیا۔ عائشہ گلالئی نے ناز بلوچ کا ذکر کرتے ہوئے کہا کہ میری ناز بلوچ سے بھی بات ہوئی تھی اور انہوں نے بھی خواتین ورکرز کیساتھ روا رکھے جانے والے رویئے پر ملے جلے ردعمل کا اظہار کیا تھا۔ عائشہ گلالئی نے کہا کہ پی ٹی آئی نے خاتون ورکرز کو ہمیشہ ایک ادنیٰ اور ایک حقیر کارکن سمجھا جس کی وجہ سے خواتین ورکرز تنگ ہیں، انہوں نے کہا کہ ایسی کوئی بات نہیں کہ میں (ن) لیگ میں شمولیت اختیار کررہی ہوں تاہم نواز شریف پر کرپشن کے الزامات ہیں اور انہیں جھوٹ بولنے پر نااہل قرار دیا گیا ہے۔انہوں نے کہا کہ نواز شریف سے سیاسی اختلافات ہیں، مگر نواز شریف خاندانی آدمی ہیں وہ خواتین کی عزت کرتے ہیں ان کی پارٹی میں ماؤں ،بہنوں کی عزت ہوتی ہے لیکن پی ٹی آئی میں عزت دار خواتین کی عزتیں محفوظ نہیں، انہوں نے کہا کہ اگر نواز شریف جھوٹ بولنے پر ناہل ہوسکتے ہیں تو آرٹیکل 63,62 اخلاقی کرپٹ انسان پر بھی لاگو ہونا چاہئے، انہوں نے الزام لگایا کہ عمران خان کریکٹر لیس ہیں اصل چیز ہمارے لئے عزت اور غیرت کا مسئلہ ہے،انہوں نے کہا کہ عمران خان اپنے آپ کو پٹھان کہتے ہیں میرے خیال میں وہ دو نمبر پٹھان ہیں، ،انہوں نے کہا کہ اگر ایسا شخص ملک کا وزیراعظم بنے کا تو اس کا اللہ ہی حافظ ہے،عائشہ گلالئی نے کہا کہ پی ٹی آئی میں ورکرز کو جھوٹا کہا جاتا ہے،جاوید ہاشمی پارٹی چھوڑ کر چلے گئے، ناز بلوچ بھی گئیں، کئی ایم این ایز ناراض ہیں، انہوں نے کہا کہ سیف اللہ نیازی اور فوزیہ قصوری بھی ناراض ہیں، انہوں نے کہا کہ گزشتہ روز میرے ساتھ بیس افراد کا وفد ملاقات کیلئے گیا تھا لیکن عمران خان نے ہمارے مسائل پر کوئی توجہ نہیں دی حالانکہ ہم کرپشن کے ایشو پر عمران خان سے ملنے گئے تھے، انہوں نے کہا کہ وزیراعلی کے پی کے پرویز خٹک بہت زیادہ کرپشن میں ملوث ہیں، محمد عاطف ، علی امین گنڈا پور سمیت سب وزیراعلیٰ کی کرپشن کی شکایت کرتے ہیں ،چیئرمین پی ٹی آئی کی کیا مجبوری ہے کہ وہ پرویز خٹک کیخلاف شکایت نہیں سنتے،انہوں نے دعویٰ کیا کہ پرویز خٹک کرپشن میں ملوث ہیں ان کیخلاف ثبوت ہیں،
ذیل میں عائشہ گلالئی کی پریس کانفرنس کی مکمل ویڈیو دیکھی جاسکتی ہے۔
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s